Juramuticha erechikueri ka kotsikueri jarhoatasïntisi 900 jorhemperakuechani enki jenchekuecha no sesi ukuakasï

Iamintu jorhemperakuecha kuajchakata jarastisï ka kutsi enero uetenatisï sesi jajkuntauani

Morelia, Michoacán a 19 de diciembre del 2022.- Juramuticha ixu anapuecha, imampu Secretaría de de Educación (SEE) ka Secretaría de Comunicaciones y Obras Públicas (SCOP), anchikuarhipani imankuni Secretaría de Educación Pública (SEP) kotsikueri anapu, menki jauenaxati exenai jorhemperakuechani enki no sesi ukuaka jenchekua xajkanari 19 septiembre ka enki isï nitamakasi.

Juramuti Jorhenkuarhikueri, Gabriela Molina Aguilar, uantasti enki iamintu jorhemperakuecha ixu anapuecha kuajchakata jarastisï imampu SEP, jimposï, k’uiripu jima anapu exeati ampe ka ampeski enki uetarenchanakasi ka uetenatisï anchikuarhini, enki uetenakuarhinauaka uexuarhikua.

Anchikuarhiricha SEE, SCOP KA SEP anapuecha exeastisia iamintu jorhemperakuechani enki jenchekua no sesi jajkuaka, ka uantastisï enki anchitakasï 117 millones de pesos anchikuarhikuecharhu enki uetarhenakasi jorhemperakuecha.

Jarastisï 863 jorhemperakuecha enki no kani no sesi jajkuntauaka jenchekua, isï enki; mampostería ka fisuras, ka uetenastisia sesi jajkuntauani najki isekia nosï ampe ukuarhenchati jorhenkuarhiricha ka anchikuarhiricha.

Ka itku, jarhastisï 86 jorhemperakuecha enkisi santaru sani ampesï uetarhejka sesi jajkukueri ampe ka anchikuarhikuecha uatisï SCOP exepariani sesikua jinkoni imeri jorhenkuarhiricheri ka anchikuarhiricheri jima anapuecha.

Sesi jakukuarhu anchitanatisï 117 millones de pesos, enki 59.1 millones kotsikua intspeka, ka 58.2 millones erechikua.

Molina Aguilar uantasti enki anchikuarhikuecha menki jauenakasi, ka enki exepakasi jorhenkuarhikuechani sapicheri jimpoka uetarhejka enki exepauakasi, ka enki no ampesi ukuarhenchaka, ka enki menki jauenaka jorhenkuarhikua.